مسجد کے لئے وقف شدہ قرآن کا حکم

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٧*📁
   
 🔹🔹🔹🔹🔹 🔹🔹🔹🔹

*_السؤال :_*
     *مسجد کے لئے وقف شدہ قرآن وقتی طور پر گھر پڑھنے کے لئے لے جاسکتے ہیں؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

  *جو چیز کسی خاص جگہ کے لئے مخصوص ہوتی ہے مثلاً قرآن یا کتابیں مسجد کے لئے وقف کردی جائیں تاکہ وہاں کہ لوگ اس سے فائدہ اٹھائیں تو اس کو اس جگہ سے دوسری جگہ منتقل کرنا جائز نہیں ہے.*
   *لہذا جو مصاحف کسی خاص مسجد کے لئے وقف کر دئے گئے ہوں ان کو وقتی طور پر بھی گھر لے جانا جائز نہیں ہے.*
     

روزہ کی حالت میں Nebulizer کے استعمال سے روزہ ٹوٹ جاتا ہے

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٦*📁
   
 🔹🔹🔹🔹🔹 🔹🔹🔹🔹

*_السؤال :_*
     *روزہ کی حالت میں Nebulizer کا استعمال کرسکتے ہیں؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

*سردی، بلغم یا دمہ کے مرض میں مبتلا لوگ مشین سے بھاپ استعمال کرتے ہیں اسکے متعلق ماہر أطباء سے دریافت کرنے پر معلوم ہوا کہ اس مشین کے ذریعہ بھاپ اور اس کے ساتھ دوا ذرات اور بالکل معمولی شکل میں اندر چلی جاتی ہے.*
      *روزہ کی حالت میں اگر کوئی عین چیز جو گرچہ چھوٹی ہو یا باریک ہو، کھائی جاتی ہو یا نہ کھائی جاتی ہو، منفذ مفتوح(کھلے راستوں) سے جوف (اندر)تک چلی جائے تو اس سے روزہ ٹوٹ جاتا ہے.*
    *اور Nebulizer کی دوائی جو معمولی ذرات پر مشتمل ہوتی ہے ناک کے ذریعہ حلق سے ہوتے ہوئے اندر چلی جاتی ہے اور اس دوائی کی وجہ سے مریض باقاعدہ راحت اور سکون محسوس کرتا ہے، لہذا معلوم ہوا کہ روزہ کی حالت میں اس کا استعمال درست نہیں اور اسکے استعمال سے روزہ ٹوٹ جائے گا.*
     

جنبی شخص کو طلوع فجر سے قبل غسل کرنا مستحب ہے

🌴🍃 *بِسْــمِ اللهِ الرَّحْـمـنِ الرَّحِــيـْم*  🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٥*📁
   
 🔹🔹🔹🔹🔹 🔹🔹🔹🔹

*_السؤال  :_*
     *اگر صبح میں فرض غسل کے لئے وقت کم ہو تو پہلے سحری کر کے بعد میں غسل کر سکتے ہیں؟ اور بعد میں غسل کئے تو روزہ صحیح ہو جائے گا؟؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

      *اگر کسی کو رات میں احتلام ہوجائے یا عورت حیض ونفاس سے پاک ہوجائے اسی طرح کوئی اپنی بیوی سے ہمبستری کرے تو طلوع فجر سے پہلے غسل کرنا مستحب ہے ،البتہ اگر کوئی طلوع فجر کے بعد غسل کرے تب بھی روزہ صحیح ہوجائے گا.*
   *لہذا سحری کا وقت کم ہونے کی وجہ سے غسل کرنے کا موقع نہ ملے تو بغیر غسل کئے بھی سحری کر سکتے ہیں اور روزہ صحیح ہوجائے گا نیز طلوع فجر کے بعد غسل کرنے سے بھی روزہ صحیح ہو جائے گا.*
   *البتہ کوشش یہ ہو کہ کسی بھی طرح سحری کا وقت ختم ہونے سے پہلے غسل کرلیا جائے تا کہ روزہ جیسی اہم عبادت کی ابتداء پاکی کی حالت میں ہو جو مستحب ہے.*
     

زکوٰۃ سونے کے اعتبار سے نکالنی ہے یا چاندی؟

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٤*📁
   
 🔹🔹🔹🔹🔹 🔹🔹🔹🔹

*_السؤال :_*
     *میں ایک مقدار قیمت کا مالک ہوں تو زکوٰۃ چاندی کے اعتبار سے نکالنی ہوگی یا سونے کے اعتبار سے، براہ کرم جواب دیکر عنداللہ ماجور ہو؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

       *اگر کوئی شخص اتنی زیادہ قیمت کا مالک ہو کہ قیمت چاندی اور سونا دونوں اعتبار سے نصاب زکوٰۃ کو پہنچ رہی ہو تو ایسے شخص کے لئے اختیار ہے کہ وہ یا تو چاندی کے اعتبار سے زکوٰۃ نکالے یا سونے کے اعتبار سے ،سونا اور چاندی دونوں اعتبار سے زکوٰۃ نکالنا جائز ہے، اسی طرح جس کے پاس قیمت اتنی ہو کہ کسی ایک نصاب کو پہنچ رہی ہو مثلاً چاندی کے اعتبار سے نصاب زکوٰۃ ہو رہا ہو تو ایسے شخص کے لئے اختیار ہے کہ وہ یا تو چاندی کے اعتبار سے زکوٰۃ نکالے یا سونے کا نصاب ہونے کا انتظار کرے،یعنی چاندی کے اعتبار سے زکوٰۃ نکالنا یا سونے کا نصاب ہونے تک انتظار کر کے سونے کے نصاب کے اعتبار سے نکالنا دونوں جائز ہے.*
     *البتہ چونکہ چاندی کے اعتبار سے زکوٰۃ نکالنے میں فقراء کا فائدہ زیادہ ہے اور ذمہ داری سے بری ہونا بھی پایا جاتا ہے اس لئے احتیاطاً چاندی کے اعتبار سے نکالنا بہتر ہے.*

کیا عورت اپنے گھر میں اعتکاف کرسکتی ہے؟

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ٨٤*📁
   
 🔹🔹🔹🔹🔹 🔹🔹🔹🔹

*_السؤال :_*
   
*کیا عورت گھر میں اعتکاف کرسکتی ہے؟*

*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

       *رسول اللہ صلی اللہ علیہ و سلم نے عورتوں کو گھر کے اندرونی حصے میں نماز پڑھنے کو افضل قرار دیا ہے(١) اور بعض صحابہ وتابعین اور اکثر فقھاء نے عورتوں کو مسجد میں نماز پڑھنے کو صحیح نہیں کہا ہے ، اور بعض فقھاء نے موجودہ دور میں عورت کا مسجد جانے کو حرام قرار دیا ہے، اور چونکہ قول جدید پر عمل ممکن ہی نہیں بلکہ بہت سارے مفسدہ کا باعث ہے، اس لیے فقھاء احناف اور امام شافعی رحمۃ اللہ علیہ کے قول قدیم کے مطابق اگر کوئی عورت گھر میں اعتکاف کرنا چاہے تو گھر کے اندر اپنے نماز پڑھنے کی مخصوص جگہ میں اعتکاف کرنے کی اجازت ہوگی.*

سورہ ص کے سجدہ کا حکم

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ٧٦*📁
   
 🔹🔹🔹🔹🔹 🔹🔹🔹🔹

*_السؤال :_*
     *اگر کوئی تراویح میں سورہ ص کا سجدہ کرے تو اس نماز کا کیا حکم ہے ؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

   *تئیسویں پارے میں سورہ ص کا سجدہ شوافع کے نزدیک سجدہ تلاوت نہیں ہے بلکہ یہ سجدہ شکر ہے جس کو نماز کے علاوہ میں کیا جائے گا اور اصح قول کے مطابق اس سجدہ کو نماز میں کرنا جائز نہیں ہے, اگر کوئی سورہ ص کا سجدہ نماز میں عمدا کرے گا تو اس کی نماز باطل ہوجائے گی اور اگر کوئی حرمت کو نہ جانتے ہوئے یا بھول کر اس سجدہ کو نماز میں کرے تو عذر کی بناء پر اس کی نماز باطل نہیں ہوگی البتہ سجدہ سہو کرے گا.*

مریض کے روزہ کا حکم

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٣*📁
   
 🔹🔹🔹🔹🔹 🔹🔹🔹🔹

*_السؤال :_*
     *دائم المریض کے روزے کا کیا حکم ہے؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

       *اگر بیماری معمولی ہو (مثلاً ہلکا سر درد وغیرہ) یعنی روزہ رکھنے کی وجہ سے زیادہ مشقت اٹھانی نہ پڑتی ہو تو ایسے مریض کو روزہ چھوڑنے کی اجازت نہیں ہے.*
    *اور اگر مریض ایسا ہو کہ روزہ رکھنے کی وجہ سے فی الحال شدید مشقت لاحق ہوتی ہو یا روزہ رکھنے کی وجہ سے مرض بڑھنے کا اندیشہ ہو تو ایسے مریض پر فی الحال روزہ فرض نہیں البتہ بعد میں اس کی قضاء لازمی ہوگی.*
   *اور ایسا مریض جس کی شفایابی کی کوئی امید ہی نہ ہو تو ایسے مریض پر روزہ فرض نہیں البتہ ہر روزہ کے بدلہ ایک مد اناج دینا لازم ہوگا اور ایک مد اناج کی مقدار موجودہ دور کے اعتبار سے چھ سو (٦٠٠) گرام ہے.*

حنفی امام کے پیچھے سورہ ص کے سجدہ کا حکم

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣٢*📁
   
 🔹🔹🔹🔹🔹 🔹🔹🔹🔹

*_السؤال :_*

     *اگر کوئی شافعی حنفی امام کے پیچھے تراویح پڑھ رہا ہو تو سورہ ص کے سجدہ میں کیا کرے؟؟*
*المستفتي : احمد حسین حیدرآباد*

*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق:_*

   *تئیسویں پارے میں سورہ ص کا سجدہ شوافع کے نزدیک سجدہ تلاوت نہیں ہے بلکہ یہ سجدہ شکر ہے جس کو نماز کے علاوہ میں کیا جائے گا اور اصح قول کے مطابق اس سجدہ کو نماز میں کرنا جائز نہیں ہے, اگر کوئی سورہ ص کا سجدہ نماز میں عمدا کرے گا تو اس کی نماز باطل ہوجائے گی .*
    *اسی وجہ سے اگر کوئی حنفی امام اپنے اعتقاد کے مطابق سجدہ کرے تو شافعی مقتدی کے لئے جائز نہیں ہے کہ اس کی متابعت کرے یعنی اس حنفی امام کے ساتھ سجدہ کرنا جائز نہیں ہے، بلکہ یا تو امام سے مفارقت کی نیت سے مفارقت اختیار کرے، یا پھر امام کے لوٹنے کا انتظار کرے، اس صورت میں اخیر میں سجدہ سہو کرنے کی بھی ضرورت نہیں ہے، اور مفارقت کے مقابلہ میں انتظار کرنا افضل ہے.*

استعمال کی نیت سے بنائے ہوئے زیورات پر زکوٰۃ نہیں ہے

🌴🍃 *بِسْــمِ اللهِ الرَّحْـمـنِ الرَّحِــيـْم*  🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ٧٣*📁
   
 🔹🔹🔹🔹🔹 🔹🔹🔹🔹

*_السؤال  :_*

*میرے پاس ایسے زیورات ہیں جس کا استعمال میں کسی پروگرام یا کسی خاص موقع پر ہی کرتی ہوں کیا ایسے زیورات پر زکوة ہے؟*


*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

*عورتیں جس مقدار میں استعمال کے لیے زیورات بناتی ہیں یعنی وہ زیورات عرفاً اسراف میں شامل نہ کئے جاتے ہوں تو ایسے زیورات بنانا اور پہننا جائز ہے اور استعمال کی نیت سے بنائے ہوئے زیورات پر زکوة بھی واجب نہیں ہوگی چاہے وہ ان زیورات کا استعمال کثرت سے کرتی ہوں یا نہ کرتی ہوں، لہذا جب وہ پہننے کی نیت سے بنائی ہے تو کسی خاص پروگرام یا کسی خاص موقع پر ہی استعمال کرتی ہوں تب بھی زکوٰۃ واجب نہیں ہوگی لیکن شرط یہ ہے کہ یہ زیورات اسراف میں داخل نہ ہوں .*
    *اور اگر پہننے کی نیت نہ ہو بلکہ جمع کرنے کی نیت ہو تو اس صورت میں زکوٰۃ واجب ہوگی.*
    *جس زیور میں عرفاً اسراف ہو تو اس کا پہننا جائز نہیں ہے اور اسکی پوری زکوة واجب ہوگی نہ کہ صرف زائد مقدار کی.*

ناقابل استعمال قرآن کا حکم

🌴🍃 *بِسْــمِ اللهِ الرَّحْـمـنِ الرَّحِــيـْم* 🍃🌴

                  📚 *فقھی مسائل( شافعی )*📚
➖➖➖➖➖➖➖➖➖➖➖
                          📁 *سوال نمبر : ١٣١*📁
   
 🔹🔹🔹🔹🔹 🔹🔹🔹🔹

*_السؤال :_*
     *ہماری علاقے کی کچھ مساجد میں رمضان المبارک سے قبل قرآن مجید تقسیم ہوئے ہیں جس کی پرنٹنگ اور بائنڈنگ کی غلطیاں ہیں ایسے نسخوں کے بارے میں مفتیان کرام کیا فرماتے ہیں؟؟*

*========================*
                  *_حامدًاومصلّیاًومسلّماً :_*
*_أما بعد :_*
 *_الجواب وبالله التوفيق_*

       *جب قرآن کے اوراق بوسیدہ ہوجائیں اور پھٹ جائیں یا اس کیفیت کو پہنچ جائیں کہ پڑھنے کے قابل نہ رہے یا کتابت، پرنٹ اور صفحات وغیرہ کی غلطیاں ہوں تو ایسے قرآن کو مسجد میں پڑھنے کی جگہ رکھنا درست نہیں ہے ہوسکتا ہے کہ کوئی اس قرآن سے تلاوت کریں ، بلکہ ایسے قرآن کو یا تو پانی میں بہا دیا جائے گا یا کسی پاکیزہ زمین میں دفن کردیا جائے گا یا جلادیا جائے گا اور پانی میں بہانے اور زمین میں دفن کرنے سے بہتر جلانے کا عمل ہے اور بہتر یہ ہے کہ اس جلائے ہوئے راخ کو کسی ایک جگہ دفن کرے، اس کے علاوہ ایسے قرآن کو پھاڑنا جائز نہیں ہے.*
  *لہذا جن قرآن میں صفحات غلط ہوں یا آیات قرآنیہ ہی غلط ہوں یا اعراب کی غلطیاں ہوں اسی طرح پرنٹنگ یا بائنڈنگ کی غلطیاں ہوں تو ایسے نسخوں کے بارے میں اپنی بستی کی مساجد میں خوب تحقیق کریں اور ان نسخوں کو بستی کے ذمہ داروں کی اجازت سے جلا دیا جائے، اور بہتر یہی طریقہ ہے یا گندگیوں اور بے حرمتی کے مقامات سے دور دفن کردیا جائے.*